ArchivesLokal

(UPDATE) Anay Kasing-Kasing, Molo Punong Barangay kag subong Barangay Kagawad Gemma Calzado nga nadakpan sa buy bust operation, namigado gani nagbaligya sang illegal drugs suno sa RDEU

Iloilo City–Nagpamigado si anay Kasing-Kasing, Molo Punong Barangay kag subong Barangay Kagawad Gemma Calzado gani nagbaligya sang illegal nga druga.

Ini ang pagpati ni Regional Drug Enforcement Unit team leader PSI Kennith Bermejo kasunod sang pagkadakup kay Calzado sa buy bust operation kahapon sang aga, Nobyembre 25. Base sa monitoring sang RDEU, may ginbilin nga daku nga kautangan ang bana ni Calzado antes siya napatay bangud madugay nga na-confine sa ospital.

Suno kay Bermejo, na-obserbahan sang ila asset nga may mga remnants sang odicta drug group nga nagapakigkita kay Calzado gani ginpatihan nga ginadala sa iya ang items agud i-dispose.

Apat tubtub lima ka bulan nga gin-surveillance sang RDEU si Calzado antes gin-operate bangud nabudlayan sila magpangita sang asset nga kilala sang barangay official. Ginpahayag ni Bermejo nga wala basta-basta nagabaligya si Calzado kon indi niya kilala ang user. (AGB)

Leave a Reply