Anay Kasing-Kasing, Molo punong barangay Gemma Calzado, supplier sang illegal drugs sa Molo suno sa PRO 6

Kampo Delgado – Daku ang epekto sa pagkadakup kay anay kapitan kag subong barangay kagawad Gemma Calzado sa drug buy bust operation sang Regional Drug Enforcement Unit sang Nobyembre 25.

Suno kay Police Regional Office 6 spokesperson PSUPT Joem Malong, mabudlayan ang mga drug dealers sa Molo bangud nadakpan si Calzado. Ginpahayag ni Malong nga base sa impormasyon, si Calzado ang supplier sang illegal drugs sa Molo.

Wala naman si Calzado sa Barangay Anti-Drug Abuse Council (BADAC) report sa ila barangay.

Si Calzado ang naga-isahanon nga barangay kapitan sa Iloilo City na nalakip sa narco list nga ginpaguwa sang Philippine Drug Enforcement Agency sang Abril subong nga tuig. Nagkadto pa sadtu si Calzado sa PDEA 6 office si Calzado agud matinluan ang iya pangalan matapos ginpanginwala nga drug protector siya.  (JoMaque)