Councilor Plaridel Nava, satisfied sa presentation sang MORE Electric and Power Corporation sa City Council

Iloilo City (UPDATE) – Naathagan si Councilor Plaridel Nava, floor leader sang City Council, sa presentasyon sang MORE Electric and Power Corporation natuhoy sa ila operasyon sa Iloilo City kun mahatagan sila sang franchise nga mangin power distribution utility.

Suno kay Nava, nagpasalig ang MORE sang maayo nga serbisyo sa mga kunsumidor kag wala sang matabu nga power interruption.

Ginpasiguro sang kompanya suno sa konsehal nga masarangan nila nga baklon ang assets sang Panay Electric Company ukon PECO apang sandig sa fair market value. Wala man sang problema sa ila technical capacities bangud nakadepende man suno sa ila sa tawo nga madumala.

Nagpasalig ang MORE nga may pagnubo sa ila rate. Wala na ginpatpat ni Nava kun pila ang i-nubo sang rate sang MORE. Daku ang bentaha sang mga kunsumidor kon mangin power distributor ang MORE kon basehan suno kay Nava ang ila presentasyon.

Halos tanan nga palamangkutanon sang City Council ang nasabat sang MORE. Sa impormasyon naman halin kay Councilor Joshua Alim, nakapasar na sa third and final reading sa Senado ang franchise application sang MORE. (JoMaque)