17-anyos nga high school student, pilason matapos ginbuno sang lyabi sa ulo sang iya anay nobyo

Mandurriao, Iloilo City – Nagdugo ang ulo sang 17-anyos nga high school student matapos ginbuno sang loyabi sang motorsiklo sang iya anay nobyo kagab-i, Nobyembre 27.

Gulpi lang nga gin-agbayan kag ginlampusan dala buno sang lyabi ni alyas Heart, 20 (lalaki/nobyo) ang biktima nga si alyas Jang sa likod nga parte sang ulo.

Nasumalang man lang sang biktima ang suspetsado nga nakasakay sa motorsiklo sang natabu ang insidente.

Nagpa-ospital ang biktima antes nagreklamo sa pulis.

Naglawig sang isa ka tuig ang relasyon nanday Heart kag Jang antes nagbulagay isa ka bulan na ang nakaligad.

Nadakpan sa follow-up operation si Heart kag presu na sa Mandurriao Police Station. (JoMaque)