Councilor Plaridel Nava, ginhangkat ang konseho nga i-reorganize ang committee chairmanships

ILOILO CITY — Daw nangin preso si Councilor Plaridel Nava halin sang nangin majority floor leader kag chairman sang mga komitiba sa City Council.

Ini ang rason kun ngaa ginhangkat ni Nava ang sin-o man nga miembro sang konseho nga kuhaon ang majority vote para sa reorganization.

Base sa privilege speech ni Nava, gusto niya nga mahatagan sang kahilwayan nga pilion ang kun ano para sa iya ang ensakto.

Suno kay Nava, nangin miembro siya sang konseho nga independent kag may kahilwayan sa paghambal kun ano ang gusto hambalon.

Ginapahayag ni Nava nga wala niya ginpangayo ang iya chairmanship kag posisyon bilang floor leader.

Suno pa sa iya, ginpatawag lang siya sa meeting kag gin-offer sa iya ang position. (JoMaque)