Dr. Gold Gonzales, nag-ako nga kabahin siya sang grupo nga nagpamatuk sa franchise application sang PECO sa Kongreso

Iloilo City–Gin-ako ni Dr. Marigold Gonzales nga kabahin siya sa nagtinguha agud mapalab-ot sa Kamara de Representantes nga punggan ang application for franchise renewal sang Panay Electric Company (PECO).

Kasunod ini sang naguwa nga kopya sang opposition letter sa House Committee on Legislative Franchises nga ginapatihan rason kun ngaa nagkunol sa Kamara ang franchise application sang PECO.

Suno kay Gonzales,  antes pa nagpaguwa sang position si Councilor Joshua Alim agud pamatukan ang franchise application sang PECO, ang ila grupo nga ‘No for PECO’ Movement ang nagahimo na sang lihok agud indi marenew ang prangkisa sang PECO. Mga ordinaryo nga konsumidor kag mga negosyante suno sa iya nga indi kontento sa serbisyo sang PECO ang sa likod sang nasambit nga position paper.

Ginkumpirmar ni Gonzales nga ang ila law office sa Manila ang nagdihon sang opposition letter kag nagdugang lang si Atty. Rodolfo ‘Boy’ Cabado may kaangtanan sa Electric Power Industry Reform Act (EPIRA) kag ginlakip man ang mga reklamo sang mga konsumidor nga ginpalab-ot kay Councilor Alim. (AGB)