Iloy nga nahulog sa jeep upod sa iya 4 bulan nga lapsag, natalana operahan sa tiil

Iloilo City–Natalana operahan sa tiil si Mary Joy Bangcas, 33-anyos sang Calaparan, Arevalo matapos siya nahulog sa jeep sa Calumpang, Molo sang Nobyembre 30 sang aga.

Nakapauli na sa ila balay si Bangcas pero mabalik siya sa ospital sa masunod nga semana para maoperahan.

Gindala naman sa punerarya sa Sta. Barbara ang bangkay sang apat ka bulan nga lapsag nga si Baby Alyana.

Wala pa gintalana sang pamilya ang petsa sang lubong.

Bag-o lang ginpahilot ni Mary Joy ang anak kag pauli na sang nahulog sila sa jeep nga ginamaneho ni Milbert Guiao, kasilingan sang mag-iloy.

Ginlikawan ni Guiao ang nagtabok nga tigulang kag gulpi ang pagwarik niya sang manibela.

Wala nakapanginlaman si Mary Joy gani nahulog kag nabuy-an ang lapsag.

Wala sang plano si Mary Joy nga magpasaka sang kaso sa driver kag gintuad man niya nga mahinay ang padalagan sang jeep.

(MOrtega)