Pila ka senior citizens, nagpati nga pamaskua ni Mayor Joe Espinosa ang Unconditional Cash Transfer Program bangud sa daku nga tarpaulin sang alkalde
Iloilo City–Nagapati ang pila sa mga senior citizens nga benepisyaryo sang 2, 400 pesos nga social pension sang DSWD nga pamaskwa ni Mayor Joe Espinosa ang ginapanagtag.
Suno kay Alyas Rose sang Villa, Arevalo, pamaskwa ni Espinosa sa mga senior citizens ang ginahatag nga kwarta. Ini suno sa iya ang una nga kahigayunan nga nanagtag ang alkalde.
Apang suno kay Ma. Luisa Pardilla sang DSWD. social pension ini nga ginapanatag sa tatlo ka libo ka mga senior citizens sa Molo kag Arevalo subong nga adlaw, Nobyembre 30.
City Proper kag Jaro naman ang naka schedule buwas.
Nagalab-ot sa P200 kada bulan ukon P2, 400 kada tuig ang ginhatag sa mga senior citizens nga ginpili sang Central Office.
Ang mga senior citizens nga benepisaryo, naga-edad sang 64 anyos pataas kag pigado. (AGB/JV)