(UPDATE) Mayor Joe Espinosa, nagpa-athag matapos nasal-an nga iya pamaskua ang cash nga ginpanagtag sang national government sa mga senior citizens bangud sang iya nawong sa daku nga tarpaulin

Iloilo City–Madugay na nga ginagamit ang tarpaulin ni Mayor Joe Espinosa sa mga programa sang DSWD.

Sabat ini sang alkalde matapos nanotisyahan ang daku nga tarpaulin nga may nawong niya nga natapik sang ginpanagtag ang social pension sang mga senior citizens sa idalum sang Unconditional Cash Transfer Program sang national government kahapon, Nobyembre 30.

Suno pa kay Espinosa, ang mga kontra niya sa pulitika ang nagsugod sa pagpanakud sang tarpaulins bisan indi kinahanglan ang ila hitsura kag bisan ang mga pulitiko halin sang una ang nagapangtakud sang ila posters.

Nasal-an sang pila ka senior citizens nga na-interview sang Aksyon Radyo nga pamaskua sang alkalde ang ginhatag nga tag-P2,400 kada benepisaryo. (AGB)