UPV Iloilo City campus, nakabaton sang bomb threat

Iloilo City–Nakabaton sang bomb threat ang UP-Visayas City campus kaina sang aga, Disyembre 1.

Suno kay Supt. Jonathan Pablito, hepe sang Police Station 1, nakabaton sang text message halin sa pareho nga number ang duha ka propesor nga may malupok nga bomba sa campus.

Las-8:50 sang aga sang gin-inform ang Police Station 1 gani gilayon nga nag-deploy sang bomb squad kag nag-check sa campus apang negatibo ang resulta. Graduate school ang may klase subong nga adlaw. (AGB)