DRIVER SANG SALAKYAN NGA NAGDIRETSO SA TALAMNAN SA ZARRAGA, MAINTRA KUNTANI SA CAR SHOW–PULIS

 Zarraga, Iloilo–Maintra pa kuntani sa car show sa San Dionisio ang babaye nga nadisgrasya sa salakyan sa Gines, Zarraga sang Disyembre 1 sang kaagahon.

Suno kay PO2 Ian Sumagaysay sang Zarraga Police Station, nagalab-ut sa 130-140 kph ang padalagan ni Katrina Revilla sang salakyan pero nadulaan siya sang kontrol sa manibela kag nagbunggo sa natumba nga “Welcome” sign antes nagdiretso sa talamnan nga bag-o lang ginsab-ugan.

Nag-awas pa sa windshield ang driver kag nagtupa sa lunang.

Gilayon man siya ginkuha sang iya amay nga nagasunod sa iya.

Nagbatyag sang palanakit sa lawas ang driver.

via Aksyon Hotline/Interview with PO2 Ian Sumagaysay, Zarraga MPS

(MORtega)