Ginatos ka police officers, i-deploy sa commercial areas sa syudad sa ginapanan-aw nga pagdugok sang mga manugbakal subong nga paskua

Iloilo City– Ginatos ka police officers ang ipahamtang sa commercial areas sa syudad sa ginapanan-aw nga pagdugok sang manugbakal subong nga christmas season.

Suno sa Iloilo City Police Office ukon ICPO, tinutuyo sang deployment nga mapunggan ang anuman nga sahi sang krimen kasubong sang pagpangawat kag robbery nga masami nabiktima ang mga manugbakal.

Ginabanta sa 300 tubtob 400 ka mga pulis ang magatutok sa commercial district area pero sa malip-ot lang nga tini-on kada adlaw, suno kay ICPO director Martin Defensor Jr.

Gin-athag ni Defensor nga indi “fixed” ang assignment sang mga pulis bangud nagabalaka siya nga mabuhinan ang pwersa sa police stations.

I-deploy ang mga pulis umpisa subong nga semana. (JoMaque)