Mayor Joe Espinosa, mapadala sang sulat sa mga barangay kapitan nga pangkakason ang mga posters sang mga pulitiko sa mga barangay hall

Iloilo City — Plano ni Mayor Joe Espinosa nga padal-an sang sulat ang mga kapitan nga pangkakason ang mga posters sang mga pulitiko sa mga barangay hall kag barangay gym bangud sa paglapas sa ordinansa.

Suno kay Espinosa, hatagan niya sang tion ang mga kapitan nga pangkakason ang mga posters. Kun indi magpati, ang city government ang makuha.

Ginpahayag sang alkalde nga kalabanan man sa mga kapitan ang indi gusto nga butangan sang posters ang mga barangay hall kag gym apang ginapahog sila sang chief of staff ni Congressman Jerry Treñas nga si Jonas Belosillo.

Dugang pa sang alkalde, may mga naglibot nga mga ministers sa syudad sang nagligad nga semana kag nagmuno nga naghigko na ang syudad bangud sa mga ginapanakod nga posters. (JoMaque/JV)