16-ANYOS NGA NAKABUNO SANG SEAMAN, NAKAAGI SURRENDER SA TOKHANG
Iloilo–Nakaagi surrender sa tokhang ang menor de edad nga nakabuno sang seaman sa Brgy. Tanza Timawa Zone 2.
Ini ang ginkumpirmar ni SPO3 Debbie Eucogco, hepe sang Women’s and Children’s Protection Desk sang Police Station 1.
Suno kay Eucogco, nagsurrender si alyas Nas sang 2017 kag napaidalum sa drug rehabilitation sa Campo Delgado.
Si Nas ang nagbuno sa seaman nga si Redemo Faborite bangud lang sa pagtulukay sang Disyembre 1, pasado las 11 sang gab-i.
Estable na ang kundisyon sang biktima.
Si Nas ang kamanghuran sa tatlo ka mag-utod. Labandera ang iya iloy kag nagasagod sang manok ang iya amay.
Antes ang insidente, ginpahayag nga makapila ka beses nga ginsaway ang menor-de-edad tuhoy sa curfew apang wala nagpamati.
Nagatambay sa tyangge ang menor sang naglabay ang seaman kag nagtulukay sila, nagsumbaganay tubtub nga ginbuno sang menor ang seaman.
Via Aksyon Hotline
(MOrtega)