Retirado nga miembro sang BJMP Dumangas, nadakpan sa drug buy bust operation sa Lapaz

Iloilo City–Dakup ang retirado nga miembro sang Bureau of Jail Management and Penology-Dumangas sa drug buy bust operation nga ginhimo sa Barangay Divinagracia, Lapaz kaina sang hapon, Disyembre 4.

Suno kay Senior Inspector Dadje Delima, hepe sang Leganes Police Station, ginbuyagyag sang drug personality nga nag-surrender sa ila ang ginpahayag nga kaangtanan sang subject nga si John Demafeliz, 53 sang Alta Tierra Village sa Jaro gani ila gin-monitor.

Lima ka sachets sang suspected shabu kag P1,007.00 nga cash ang nakuha kay Demafeliz.

Gin-ako naman ni Demafeliz nga nagamit siya sang una sang illegal nga druga sang nagatrabaho pa siya sa BJMP pero todo panginwala nga nagabaligya siya sang illegal drugs. (AGB/ATT)