ABC hall sang Lapaz, gin-ransack

Lapaz, Iloilo City – Wala pa nakilala ang suspetsado ukon mga suspetsado nga nagsulod sa Association of Barangay Captains (ABC) Hall sa Jereos, Lapaz.

Suno kay Lapaz ABC President Marjorie Gregorios, natukiban kaina sang aga, Disyembre 5, nga naga-ukay na ang sulod sang ABC Hall kag lakip sa nadula ang flat screen tv, stove burner kag isa ka karton sang Christmas lights.

Ginabanta sa P44,000 ang balor sang mga nadula nga kagamitan. (JoMaque)