Promotional materials nga nabutang sa barangay halls, dapat may permit halin sa syudad base sa ordinansa; materials sang mga pulitiko, indi pa maathag kon sakup sang ordinansa suno sa BPLO head

Iloilo City–Nalakip ang mga barangay halls sa mga indi puwede butangan sang mga promotional materials pareho sang posters, streamers kag billboards, kun wala sang nagakaigo nga permit.

Suno kay Mr. Norman Tabud, head sang Business Permits and Licensing Office sang city government, ang pag-issue sang permits sa mga promotional materials nakasandig sa ordinansa.

May specific area kun diin puwede katakod kag may husto nga takos ang mga materyal nga puwede ibutang suno kay Tabud.

Ginpahayag ni Tabud nga indi puwede katakod sa mga pampubliko nga lugar pareho sang karsada, barangay halls kag iban pa nga lugar ukon istruktura nga ginapanag-iyahan sang gobyerno.

May “say” suno sa iya ang iya opisina sa barangay halls bangud ini public property pero may mga exemptions pareho sang fiesta, festival kag iban pa nga espesyal nga okasyon.

Sa mga posters naman sang mga pulitiko, wala ini suno kay Tabud nabutang sang maathag sa ordinansa.

Sa pagkadumdom ni Tabud, wala sang may naggawad sang permit sa iya opisina para sa pagtakod sang promotional material sang pulitiko.

Pero ginpa-athag niya nga kun ang opisyal naga-welcome sa mga bisita paagi sa mga posters ukon streamers, indi naman suno sa iya kinahanglan sang permit kag may mga structures nga ginpahimo gid para dire ilabe na sa mga plaza.

Natalana magsulat si Tabud sa City Legal Office agud labi pa siya maathagan sa sini nga issue. (AGB/MO)