Senador Franklin Drilon, nagsabat sa iya pag-abstain sa botohay sa Senado agud hatagan sang franchise sa power distribution ang MORE Electric and Power Corporation

Iloilo City–Nagpa-athag si Ilonggo Senator Franklin Drilon sa iya pag-abstain sa franchise application sang More Electric and Power Corporation para mangin electric distributor sa syudad.

Suno kay Senador Drilon, nagapangduha-duha siya sa kapasidad kag expertise sang MORE sa pag-operate sang prangkisa. Dugang niya, wala man sang assets ang amo nga kumpaniya.

“The initial question was whether or not MORE would have the capacity and expertise to operate the franchise, especially that they have no assets. So I was reluctant at the start but later on there was a provision in the franchise which gave Razon or PECO 2-year transition period. That is why I said let us see what happens. The franchise has been approved. The matter is now out of the hands of the Senate. It is now up to the ERC and DOE,” suno sa senador.

Si Senador Drilon lang ang nag-abstain sa franchise application sang MORE samtang 15 naman ka iban pa ka mga senador ang nag-approve sang hagna base sa report.

‘NO COMMENT’

Nagpamalibad naman nga magkomento si Senator Drilon sa pending nga application para sa franchise renewal sang Panay Electric Company sa kamara.

Suno sa senador, wala sila nagakomento samtang pending pa ang hagna sa lower house bilang kurtesiya.

Maga-expire na sa Enero 19, 2019 ang extended franchise sang PECO. (AGB/ATT)