27 ka pulis lakip ang hepe sang Anilao MPS, gin-relieve matapos nadakpan sang Napolcom 6 director nga tulog ang on-duty personnel

Anilao, Iloilo–Gin-relieve sang Police Regional Office 6 ang 27 ka mga pulis sang Anilao Municipal PoliceStation lakip ang hepe nga si Senior Inspector Menrico Candaliza.

Suno kay National Police Commission 6 Director Atty. Joseph Celis, naabtan niya nga nagakatulog ang on-duty personnel kag patay ang mga suga sa police station sa iya pagbisita kahapon sang kaagahon, Disyembre 6.

Ginconfirmar naman ni PRO 6 spokesperson Supt. Joem Malong nga nagmandu na si PRO6 Director Chief Supt. John Bulalacao nga i-relieve ang mga pulis subong nga adlaw. Temporaryo nga ipahamtang ang mga gin-relieve nga pulis sa Regional Holding and Accounting Unit.

Mangatubang suno kay Malong sang kaso administratibo ang natungdan nga mga pulis.

Buslan si Candaliza ni Chief Inspector Ciriaco Esquiliarga.

Nagrason naman si Candaliza nga napiyungan lang ang mga on-duty nga pulis kag wala natulugan. (AGB)