Pahayag ni Presidente Duterte nga 90 porsyento sang mga pari nga Katoliko ang homosexuals, ginkwestyun sang pari sa Iloilo

Iloilo City–Ginkwestyun ni Monsignor Meliton Oso sang 
Jaro Archdiocesan Social Action Center (JASAC) ang pahayag ni Presidente Rodrigo Duterte nga 90 porsyento sang mga pari nga Katoliko ang homosexuals.

Suno kay Oso, himo-himo lang sang presidente ang iya data kag wala sang basehan.

Gin-ako ni Oso nga may nabaton sila nga mga reklamo batuk sa mga pari nga ginpahayag mga agi apang wala pa ini napamatud-an. Padayon suno sa iya nga gina-validate kag gina-imbestigaran ang mga reklamo. 

Nagpanugyan si Oso sa mga tumulu-o nga pasensiyahon na lang ang presidente sa iya ginapanghambal bangud wala siyanakahibalo sang iya ginahimo.

Nagpahayag pa ini nga dapat kuntani i-validate sang presidente ang iya ginapanghambal antes buy-an bangud madamo ang nagapamati sa iya. (AGB)