CITY COUNCIL, MAHIMO SANG DRASTIC MEASURES BATOK KAY MAYOR JOE ESPINOSA KUN INDI PA GID MAAPRUBAHAN ANG DELAYED NGA SWELDO SANG MGA STAFF SANG PILA KA KONSEHAL

ILOILO CITY — Nagapangabay na angpila ka konsehal sa kaupod nila sa konseho nga malapit kay Mayor Joe Espinosa partikular na kanday Councilors Ed Peñaredondo kag Lyndon Acap nga hambalan ang alkalde nga pirmahan na ang kontrata sang mga legislative staff.

Wala sa gihapon naswelduhan para sa Nobyembre ang masobra 20 ka mga legislative staff nanday Councilors Armand Parcon, Love Baronda kag Leila Luntao.

Suno kay Councilor Plaridel Nava, indi dapat pag-personalon ni Espinosa ang ila akto sa konseho pareho sa pagbalabag sa mga ginaduso nga proyekto, kag i-blackmail gamit ang sweldo sang mga staff sang konsehal.

“We are willing to clash with the mayor,” suno kay Councilor Plaridel Nava.

Dugang niya, “The mayor should not deprive them of their salary.”

Hatagan sang konseho sang tion si Espinosa agud mapirmahan na ang kontrata sang ila mga staff. (JoMaque/JV)