Mga sidewalk vendors nga nagabaligya sa syudad, i-monitor sang PSTMO

Iloilo City — I-monitor sang Public Safety and Transportation Management Office (PSTMO) ang mga sidewalk vendors nga nagabaligya sa syudad.

Suno kay PSTMO Head Jeck Conlu, kada adlaw libuton sang Special Services Division kag Asis Unit ang mga sidewalk vendors para indi sila makapinagusto baligya sang anuman nga butang.

Bawal suno kay Conlu, ang pag-obstruct sa mga dalanon kag pagbaligya sang mga palupok.

Importante gid suno kay Conlu nga dapat imentinar sang mga vendors ang katinlo sang lugar.       

Ginkomfirmar ni Conlu nga nakagawad na sang special permit ang mga vendor sa Business Permit and Licensing Office ukon BPLO.

Nagpahanumdom man si Conlu sa mga vendors nga indi mag-stock sang tuman ka damo nga produkto agud malikawan ang pagginutok sa ila pwesto nga gina-akupar. (JoMaque)