Pag-istrikto sang provincial kag regional police directors sa ila tinawo agud makahatag sang mas maayo nga serbisyo, suportado sang Napolcom 6 director
Iloilo City–Suportado ni National Police Commission 6 Director Atty. Joseph Celis ang mga pagtinguha sang provincial kag regional police directors nga madisiplina ang ila mga pulis.
Ini ang rason nga wala untat ang paglibot ni Celis sa mga police stations agud ma-check kon naga-perform ang mga pulis kag masiguro nga ma-improve pa gid ang standard sang ila pagserbisyo.
Disyembre 6 sang kaagahon sang naghimo sangsurprise inspection si Celis sa Anilao Police Station kag iya naabtan nga tulog ang on-duty nga mga pulis kag patay man ang mga suga. Bangud sini, gin-relieve ang tanan nga pulis sa amo nga police station kag gin-ilisan lakip na ang hepe.
Pero wala nahinago ni Celis nga disappointed siya sa aktwasyon sang pila ka pulis nga gina-imbestigaran bangud daw sa wala lang sang natabu sang ginpatawag kag ginpangayuan sang paathag. (AGB)