2 PATAY SA SEPARADO NGA STABBING INCIDENTS SA PASSI CITY

Passi City, Iloilo — Duha ang pataysa separado nga stabbing incidents sa Barangay Imbang Grande, kagab-i, Disyembre 8.

Pasado las-6 kagab-i, nabun-an ni Nieva Pareja, 37 anyos ang iya manghod nga si Ronaldo Pareja, 36 anyos.

Suno kay P/Supt. Arturo Fullero, hepe sang Passi City Police Station, naga-inom-inom ang duha sang may natabu nga pagbaisay.

Hinali lang nga ginbuno ni Nieva si Ronaldo. Dead-on-arrival sa ospital ang biktima samtang arestado naman si Nieva.

Sa pihak nga bahin, pasado las-10 kagab-i, patay man si Jovanny Baros, 34 anyos sang nabun-an sa amo man nga barangay.

Samtang pilason sanday Allan Alemania, 37 kag Ruel Jay Bañares, 18 anyos.

Suno kay Fullero yara sa baylehan ang tatlo sang gin-tripingan sang mag-utod nga sanday Roe, 31; Mark, 22; kag Jay Jawili, 21 anyos.

Dead-on-arrival sa ospital si Baros bangud sang pilas sang pagka-buno. Nadakpan naman sanday Mark kag Jay samtang nakapalagyo si Roe.

Naga-selebrar sang kapistahan ang nasambit nga lugar kahapon.