27 pulis nga gin-relieve sa Anilao Police Station, ginpang-akigan; isa ka pulis, nasuluk-sulukan pa sang PRO 6 director

Kampo Delgado, Iloilo City–Ginpatawag ni Police Regional Office 6 Director PCSUPT John Bulalacao ang mga pulis nga gin-relieve sa Anilao Police Station matapos nadakpan nga nagatulog sa duty sang gin-inspection sang National Police Commission ang police station sang Disyembre 6 sang kaagahon.

Gin-akigan ni Bulalacao ang mga pulis kag ang isa ang ginsulok-sulok pa.

Suno kay PRO 6 spokesperson Supt. Joem Malong, ipaidalum sa 45 ka adlaw nga retraining ang mga gin-relieve nga pulis kag pasakaan sang kaso administratibo.

Ginpahayag ni Malong nga nagapabilin sa Regional Personnel Holding and Accounting Unit ang mga pulis kag indi puwede makapauli base sa instruction.

Gin-relieve ang tanan nga pulis sa Anilao lakip ang hepe matapos naabtan ni Napolcom 6 director Atty. Joseph Celis nag tulog ang anum ka on-duty nga pulis. (AGB)