27 ka mga pulis nga gin-relieve sa Anilao MPS, i-assign sa area nga problema ang NPA sa Negros Occ. pagkatapos sang ila training

Iloilo City — I-assign ni Police Regional Office 6 Director John Bulalacao sa mga lugar nga problema ang New People’s Army sa Negros Occidental ang 27 ka pulis nga gin-relieve sa Anilao Municipal Police Station matapos nadakpan na nagatulog sa duty sang nag-surprise inspection ang National Police Commission sang Disyembre 6 sang kaagahon.

Ini ang desisyon ni Bulalacao matapos ginpatawag kahapon sang aga ang 27 ka pulis kag ginpang-sermunan.

Suno kay Bulalacao, magaserbe nga leksyon sa mga PNP members sa Western Visayas ang natabu sa 27 ka pulis kon magpabaya sa ila responsibilidad.

Antes ang re-assignment sa Negros Occidental, ginpaidalum sa 45 ka adlaw nga retraining ang 27 ka pulis agud mas madumduman ang basic mandate bilang pulis. (JoMaque)