SK Federation president, ginakwestyon ang indi pag-apruba ni Mayor Joe Espinosa sa ila ginaduso nga programa

ILOILO CITY — Ginkwestyon ni Sangguniang Kabataan Federation President Leila Luntao ang indi pag-akto ni Mayor Joe Espinosa sa ginduso niya nga programa nga Youth Congress.

Suno kay Luntao, nabudlayan sila nga magkuha sang approval sang alkalde. Nagpalapit sila sa opisina sang alkalde kag nagpahayag nga istudyohan ang proposal apang tubtob subong wala gihapon sang sabat.

Ginpahayag pa ni Luntao nga si Mr. Jojo Castro lang ang nagapakita sa ila kag nagsuhestyon pa nga islan ang programa sa Pag-Ulikid sa Kabataan in Partnership with SK Federation.

Suno kay Luntao, indi dapat pag ilakip ang pulitika sa ila programa.

Nagpasar sang resolution ang City Council nga naga-request kay Espinosa nga aprubahan ang ginaduso nga Youth Congress. (JoMaque)