Warden sang BJMP District Jail sa Nanga, Pototan, nanginwala nga hungod nga ginapa-brownout ang pasilidad bangud sa ginpahayag kamala-malahan sa prisuhan

Iloilo — Ginpanghiwala ni Jail Warden Vicente Papelera sang Bureau of Jail Management and Penology District Jail sa Brgy. Nanga, Pototan nga hungod nga ginapa-brownout ang pasilidad bangud sa ginpahayag kamala-malahan sa prisuhan.

Depensa ini ni Papelera angut sa reklamo sa nakalab-ot sa Aksyon Radyo Iloilo.

Suno sa iya, indi nila kontrol ang pag-brownout bangud iya ini sang ILECO 2.

Nagakadula man suno sa iya ang suplay sang elektrisidad bangud sa overloading sa sulod sang pasilidad.

Dugang niya, automatic ang pagdula sang suplay kag lakip man sila naperwisyuhan. May ara man sila sang generator apang indi makasarang. (JoMaque/NG)