7 dakup sa magkatuhay nga drug buy bust operation sa syudad

Iloilo City —  Pito ang dakup sa magkatuhay nga drug buy bustoperation sa syudad kagab-i, Disyembre 12.

Sa operasyon sang Regional Drug Enforcement Unit sa city proper, nadakpan sanday Carla Mae Cortez; Arque Millam; Liara Mae Aquiño; kag Vanjie Benedicto.

Nakuha sa ila ang walo ka sachets sang suspected shabu kag 1,100 pesos nga buy bustmoney.

Gintudlo ni Benedicto nga ginkuhaan sang drug supply ang iya live-inpartner nga si Hadi Bonnie Pedrajas nga wala nadakpan.         

Naghimo man sang operasyon ang Lapaz police sa koordinasyon upod ang RDEU sa Lapuz pero nahuman ang transaksyon sa Jaro kag nadakpan sanday Elterly Ysulan y Pedrajas, iya utod nga si Marites Piñulan y Espinosa kag tricycle driver nga si Joselito Saldino nga lunsay residente sang Tabuc Suba, Jaro.

Nakuha sa ila ang lima ka sachets sang suspected shabu kag 1,100 pesos nga buy bust money.

Suno kay Ysulan, adopted nila si Hadi Bonnie Pedrajas. Nanginwala si Ysulan nga nagabaligya sila sang illegal drugs kag sa baylo,gintudlo si Vangie Benedicto nga una na nadakpan nga amo ang pusher. (JoMaque)