Balay sang bayaw ni late PDEA identified drug group leader Melvin Odicta sa Jaro, gin-raid sang PDEA; 7 bulto sang suspected shabu kag 2 pusil, nakita sang mga operatiba

Iloilo City–Gin-raid sang Philippine Drug Enforcement Agency (PDEA) 6 ang balay sang mga Regalado sa Barangay Sambag, Jaro kaina sang aga, Disyembre 13.

Subject sa search warrant si Nilda Regalado. Magluwas sa pito ka mga sachets sang suspected shabu, na-recover sang mga otoridad ang .45 kalibre nga pusil kag shotgun. 

Ginpanindugan ni Arnulfo, bana ni Nilda, nga lisensiyado ang mga pusil. Ginpanginwala ni Nilda nga nagatago kag nagabaligya sila sang illegal drugs. 

Nakuhaan man sang duha ka sachets sang suspected shabu sanday Leo kag Cyril Regalado, utod ni Arnulfo.

Sanday Arnulfo, Leo kag Cyril mga utod ni late Meriam Regalado-Odicta, asawa ni late PDEA-identified drug group leader Melvin Odicta.

Ang mag-asawa nga Odicta ginpatay sa Caticlan port sang Agosto 29, 2016. (AGB/MO)