Oplan Ligtas Biyahe Christmas 2018, gin-activate sang Coast Guard Western Visayas para masiguro nga safe ang mga pasahero sa pagselebrar sang paskua kag bag-ong tuig

Iloilo City — Naka-alerto na ang Coast Guard Western Visayas matapos gin-activate  ang “Oplan Ligtas Biyahe Christmas 2018” para masiguro nga wala sang mga insidente sa pag-obserbar paskua kag bag-ong tuig.

Ginpahayag ni Coast Guard 6 Spokesperson Lieutenant Commander Ramil Palabrica nga target nila nga ma-secure ang mga pasahero ngamagabiyahe sa mga puerto kag ferry terminals sa rehiyon.

Suno kay Palabrica, nagpahamtang ang Coast Guard sang Passengers Assistance Desks sa mga puerto agud mag-akomodar sang mga reklamo kag concerns sang mga pasahero.

Kaupod sang Coast Guard ang team halin sa PNP, Department of Transportation, Philippine Ports Authority, Maritime Industry Authority kag Philippine Coast GuardAuxiliary.

Samtang, ginpanugyanan ni Palabrica ang publiko nga magpa-book sang mas temprano sang tickets para malikawan ang malawig nga pila.

Ang “Oplan Ligtas Biyahe Christmas 2018” magalawig tubtob sa Enero 5 sa masunod nga tuig. (JoMaque)