P700,000, napalagyo sa hold-up sa Pavia

Pavia, Iloilo–Padayon ang imbestigasyon sang police sa duha ka sunod-sunod nga hold-up nga natabu sa Barangay Aganan, pinaka-ulihi ang natabu kaina sang kaagahon, Disyembre 13.

Suno kay PCI Fernand Limbungan, hepe sang Pavia MPS, tatlo ka armado nga lalaki ang nagsulod sa opisina sang Black Arrow Express pasado las-tres sang kaagahon.

Napalagyo sang mga suspek ang P700,000 nga cash, duha ka laptop kag duha ka cellphones.

Wala sang security guard sa nasambit nga opisina suno kay Limbungan.

Ginatinguhaan sang police nga maka-secure sang dugang nga CCTV footages sa palibot sang opisina agud makilala ang mga suspek.

Kagab-i, gin-hold-up man delivery boy sang Ninja Van Delivery sa Barangay Aganan man kag nakuha ang P40,000 nga cash. (AGB)