54 anyos nga misis nga ginlabu sang iya 78 anyos nga bana bangud sa pagpangimon, padayon nga ginabulong sa ospital

Guimbal, Iloilo— Nagapaayo na sa Guimbal District Hospital ang 54-anyos nga asawa nga ginlabu sang iya 78-anyos nga bana sa Tubungan.

May pilas sa likod kag pusug-pusugan si Alyas Rosa sang ginlabu sang bana nga si alyas Junior kahapon, Disyembre 13. 

Suno kay Junior, nagpalanulom ang iya panulok bangud kabangdanan nga nalabu ang asawa. Ginpabutyag sang bana nga sa 17 ka tuig nila nga pag-asawahay, 14 ka tuig na siya nga nagapangimon. Ginatudlo ni Junior nga ginapangimunan ang 45-anyos nila nga kasilingan/ 

Nakahanda si Junior nga atubangon ang kaso nga ipasaka ni Rosa. 

‘Depensa ni Rosa’

Nagpanindugan si alyas Rosa kag hinablos niya ang ginapangimunan sang iya bana.

Desidido si Rosa nga mapasaka sang kaso kay Junior. 

Pareho nga balo sanday Junior kag Rosa sang nagkilalahay. 61-anyos si Junior samtang 37-anyos si Rosa sang nagpakasal sila. May isa ka bata ang mag-asawa. (AGB/AS)