3 lalaki, pilason matapos nabun-an sa Jaro

Iloilo City– Pilason ang tatlo ka lalaki matapos nabun-an malapit sa Central Philippine University kaina sang kaagahon (Dec. 15).

Ginkilala ang mga biktima kanday JohnFelix Andales, 24 nga napilasan sa tiyan; Joebert Camiring, 24; kag Peter Tam Donque, 24 nga lunsay napilasan sa likod.

Papuli na ang mga biktima halin sa baylehan sa San Isidro, Jaro kaupod ang lima ka iban pa sang nabun-an sang grupo sang Thank You God Always ukon TYGA.

Suno sa 14-anyos nga kaupod sang mga biktima, may nagluntad nga pagsinuya-ay sa grupo nila kag mga suspetsado samtang nagalakat sa karsada tubtob may nagluntad nga rambol. (JoMaque)