4 miembro sang pamilya Regalado nga na-aresto sa raid sang PDEA, napasakaan na sang kaso

Iloilo City— Nagpadulong subong nga adlaw, Disyembre 17, sa Iloilo Hall of Justice ang mga operatiba sang Philippine Drug Enforcement Agency (PDEA) 6 agud mag-file sang kaso batok sa apat ka miembro sang pamilya Regalado nga nadakpan sa raid sang Disyembre 13.

Masobra tunga sa milyon ka pesos nga balor sang druga ang na-recover sang PDEA sa amo nga raid.

Ginkasuhan sang possession of illegal drugs and drug paraphernalia sanday Nilda Regalado, subject sang raid, iya bana nga si Arnulfo kag mga utod ni Arnulfo nga sanday Leo kag Cyril Regalado.

Sanday Arnulfo, Cyril kag Leo ang mga utod ni late Meriam Regalado-Odicta, asawa ni late PDEA-identified drug group leader Melvin Odicta.

Nahulog sa regular filing ang pagpasaka sang kaso matapos gin-release sang PDEA ang mga nadakpan makaligad nag-lapse ang ila nga reglementary period.

Ginrason sang PDEA nga naguba ang ila photopy machine rason wala nahingagaw ang pagpasaka sang kaso antes nag-lapse ang detention period sang apat. (AGB/ATT)