City Health Office, nagpahanumdom sa publiko nga maghinay-hinay sa pagkaun subong na holidays

Iloilo City — Nagpahanumdom ang city health office sa publiko nga maghinay-hinay sa pagkaun subong nga holiday season agud malikawan ang mga balatian.

Suno kay Dr. Mae Delmo sang City Health Office, importante nga varied ukon lain-lain kag husto lang ang kadamuon sang pagkaun agud malikawan ang pagtaas sang cholesterol kag blood sugar.

Dugang niya, mas maayo man nga mag-exercise kag likawan ang pagpanigarilyo kag pag-inom sang softdrinks para sa ikaayong lawas.

Nagpahanumdom man si Dr. Delmo angut sa husto nga pagpreparar kag pag-handle sang pagkaun agud malikawan ang contamination nga posible tunaan sang food poisoning. (JoMaque)