Miss Philippines Catriona Gray, ginkoronahan nga Miss Universe 2018

Bangkok, Thailand— Ginkoronahan nga Miss Universe 2018 ang pambato sang Pilipinas nga si Catriona Gray.

Nagpangibabawang katahum sang 24 anyos nga Filipina-Australian beauty sa 93 pa ka kandidata halin sa nagkalain-lain nga pungsod sa coronation nga ginhiwat sa Bangkok,Thailand kaina sang aga, Disyembre 17.

Ginpasa ni Miss Universe 2017 Demi Leigh Nel-Peterssang South Africa ang iconic nga Mikimoto crown kay Gray.

Si Gray ang ikaapat nga Pinay nga nagdaug sa prestehiyoso nga beauty pageant sunod kanday Pia Wurtzbach sang 2015; Margie Moran sang 1973 kag Gloria Diaz sang 1969.

Nangin standout si Gray sa bilog nga coronation halin sa ila opening statement,slow-mo twirl sa swimsuit competition kag lava walk sa evening gown portion.

Ginpa-bilib ni Gray ang tumalan-aw sa iya sabat sa Final Question kon ano ngaimportante nga leksyon ang iya natun-an kag mahimo ma-apply sa iya MissUniverse reign.

Ginsabat ni Gray nga “I work a lot in the slums of Tondo, Manila and the life there is poor and very sad. And I’ve always taught to myself to look for the beauty of it and look in the beauty of the faces of the children and to be grateful. And I will bring this aspect as a Miss Universe to see situations with a silver lining and to assess where I could give something, where I could provide something as a spokesperson. And this I think if I can teach people to be grateful, we can have an amazing world where negativity could not grow and foster and children will have smile on their faces.”

Gin-anunsyar ni 3-time Miss Universe Host Steve Harvey ang pagdaug ni Gray. Si Steve sa madumduman ang host sang 2015 sang nagsala siya kag ginlawag nga si Miss Colombia ang nagdaug apang ginbawi sang ulihi kag ginlawag nga winner ang tiglawas sangPilipinas nga si Pia Wurtzbach. (AGB)