Mag-asawa sa Jaro, ginpasakaan kaso sa paglapas sang ila anak sa Curfew for Minors ordinance

Iloilo City — Ginpasakaan kaso sangTask Force on Moral and Values Formation ang mag-asawa sa Barangay San Isidro, Jaro bangud sa paglapas sang ila bata sa Curfew for Minors Ordinance.

Suno kay Task Force Head Jorge Duron, tatlo ka beses na nga na-rescue sa curfew hours ang 14-anyos nga solterito ngabata sang mga natungdan rason ginpasaka ang kaso.

Mayo sang nagligad nga tuig sang una nga na-rescue si alyas Ronald kag liwat nga na-rescue sang Abril kag Oktubre subong nga tuig.

Mahimo mapreso ang mag-asawa sang 30 ka adlaw tubtob anum ka bulan kun mapamatbatan sang korte nga guilty sa pagpabaya.

Sandigsa section 11 sang Curfew for Minors Ordinance, may salabton ang ginikanan kun ma-rescue ang ila kabataan sa curfew hours nga naga-umpisa 10:00 P.M. tubtob4:00 A.M.

Ginakuhaan pa sang Aksyon Radyo Iloilo sang pahayag ang mga natungdan.

‘LIMA NA TANAN’

Limana ka ginikanan ang napasakaan sang kaso sang task force bangud sa paglapas sang ila mga bata sa Curfew for Minors Ordinance.

Ginpasakaan man sang kaso ang market vendor nga iloy sa Barangay Camalig, Jaro kag mag-asawa sa Barangay Concepcion, City Proper. (JoMaque)