ICPO Director SSupt Martin Defensor Jr, nagpanawagan sang kooperasyon sang publiko agud matapos nga malinong kag matawhay ang selebrasyon sang New Year

Iloilo City — Nagpanawagan si Iloilo City Police Office Director Senior Supt. Martin Defensor Jr sang kooperasyon sang publiko agud matapos ang New Year celebration nga malinong kag matawhay.

Naka-alerto ang mga pulis kagab-i (Dec. 31) tubtob subong (Jan. 1) suno kay Defensor agud masiguro nga wala sang magpasaway.

Lakip sa ginbantayan sang mga pulis ang mga nagabaligya sang palupok kag firecracker zone.

Nagalaum si Defensor nga bantayan sang mga ginikanan ang ila menor-de-edad nga kabataan kag sawayon kon makita nga mapalupok sang firecracker.        

Dapat man suno kay Defensor nga mangin responsable ang mga barangay officials. (JoMaque)