Lalaki, natup-an sa abaga sang nagtalang nga bala

Lapaz, Iloilo City — Maswerte nga wala napilasan ang lalaki sang nagtupa sa iya abaga ang bala sang pusil sa Brgy. Rizal kagab-i, Disyembre 31, 2018.

Suno kay alyas Budoy, maayo lang nga una nag-igo ang bala sa sanga sang Indian mango antes nagtupa sa iya abaga kag nahulog sa karsada.

Mainit pa suno saiya ang bala sang iya gin-uyatan.

Ginturn over sa Lapaz police ang amu nga bala agud matumod kon compatible ini sa anu nga kalibre sang pusil.

Blangko naman ang Lapaz police kon diin naghalin ang bala ukon sin-o ang nagpalupok sang pusil. (JoMaque)