2 pusil ni Iloilo Cong. Richard Garin, gin-surrender sa San Juan City Police

 (UPDATE) Ginhimo ang pag-surrender kahapon sang aga, Enero 1, 2019.

Kasunod ini sang pagkanselar ni PNP Chief Oscar Albayalde sa mga lisensya ni Cong. Richard Garin kag sang iya amay nga si Guimbal Mayor Oscar Garin matapos ang pagsiko, pagtampa, pagsipa kag pagdupla ni Cong. Garin kay PO3 Federico Macaya Jr, anay imbestigador sang Guimbal Police Station, sang Disyembre 26, 2018.

Suno kay Senior Superintendent Dindo Reyes, chief of police sang San Juan City Police Office, ang staff ni Cong. Garin ang nagbalik sang 5.56mm rifle kag .22 caliber pistol.

Magluwas sa duha ka pusil, ginturn over man sang staff ni Garin ang apat ka magazines nga naga-unod sang 100 ka bala para sa rifle, duha ka magazines para sa caliber 22 kag 16 ka live ammunition.

Una na nga gin-surrender ni Vice Governor TingTing Garin sa Guimbal Police Station ang 14 ka mga pusil sang iya amay kag utod sang Disyembre 28.

Gin-turn over ang mga pusil kay Guimbal MPS OIC Chief Inspector Reymond Celoso. (JoMaque)