59 anyos nga babaye sa Janiuay, daku ang pasalamat nga wala natam-an sang naigo sang stray bullet sang Enero 1

Janiuay, Iloilo— Nagapasalamat ang 59 anyos nga babaye nga wala sang malain nga natabu sa iya matapos naigo sa ulo sang stray bullet sang Enero 1 sang kaagahon.

Suno kay Mrs. Magdalena Dulce sang Aquino Nobleza West Street, Janiuay, nagatindog siya sa guwa sang remittance center sang may nag-igo sa iya wala nga parte sang ulo. Nagdumdom ang biktima nga bato ang nag-igo sa iya apang nabatyagan niya nga nadamulit na sang dugo ang iya ulo.

Gin-ako ni Dulce nga nagtaas ang iya blood pressure bangud sa kulba kasunod sang insidente.

Narecover naman sang iya mga bayaw ang slug sang ginapatihan 45 kalibre nga pusil kag gindala sa police station.

Suno naman kay PSINSP John Paul Guay, hepe sang Janiuay MPS, may ginapanan-aw na sila nga lugar sa diin posible naghalin ang nagpalupok sang pusil. (AGB/FE)