Babaye, nagreklamo nga wala nahingagaw ang iya wedding gown bisan naimpas na bayad

Iloilo City — Disappointed ang bag-ong kasal nga babaye matapos wala natahi ang iya ginbayaran nga wedding gown nga iya kuntani gamiton sa kasal sang Disyembre 30, 2018.

Base sa ginpa-blotter ni Rhea Perion, 38 anyos sang Airport, Mandurriao, nakabayad na siya sang P40, 000 para sa iya wedding gown apang ginpahayag nga wala ini natahi.

Ginpahayag ni Perion nga una siya naghatag sang partial payment nga P13,000 kay Melvin Aranga sang Poscolon, San Rafael sang Hulyo 26. Nagpadala man siya suno sa iya sa money remittance center sang P5,000 sang Agosto 14.

Sang Oktubre 2, pagdaho pa gid siya suno sa iya sang P12,000 kay Aranga kag sang Nobyembre 10 naghatag siya sang P10,000 tubtob naimpas ang P40,000 nga ginkasugtan nila nga duha.

Naimpas lang niya bayad ang ginkasugtan nga payment apang wala sang gown nga natahi. Ginakuhaan pa sang pahayag sang Aksyon Radyo Iloilo si Aranga. (JoMaque)