New Year celebration sa Rehiyon 6, ‘generally peaceful’–PRO6
Iloilo City— “Generally peaceful” ang pagselebrar sang bag-ong tuig sa Western Visayas.
Ini ang assessment sang Police Regional Office 6 sa bag-o lang natapos nga New Year celebration.
Suno sa PRO 6, nagsanyog ang overall crime picture sang Western Visayas sa pagnubo sang volume sang 8-Focus Crimes halin sa 289 (December 16, 2017-January 1, 2018) sa 235 (December 16, 2018 to January 1, 2019) ukon kabaylo sang 18.69% nga decrease.
Pinakamataas ang physical Injuries nga may 128 incidents samtang ang carnapping pinakamanubo nga may isa ka kaso nga na-record.
Halin December 16, 2018 tubtob las 9:30AM sang January 1, 2019, ang PRO6 nakahimo sang kabug-usan nga 13 ka operations batok sa Illegal Possession, Use and Sale of Firecrackers nga nagresulta sa pagka-aresto sang isa kag confiscation sang firecrackers nga nagabalor sang P154,775.
Sa New Year Celebration, ang PRO 6 nagdeploy sang 1,820 personnel (110-PCOs kag 1,710- PNCOs) agud mag-secure sang tanan nga “places of convergence” kag transportation hubs/terminals.
Halin las 6:00PM sang December 31, 2018 tubtob las 6:00AM sang January 1, 2019, ang PRO6 naka-record sang duha ka stray bullet incidents nga nagsamad sang duha ka tawo sa Janiuay kag Maasin.
Sa indiscriminate firing naman, isa ang naaresto nga sibilyan sa Mandurriao kag may nakumpiskar nga 9mm nga pusil nga gingamit sang suspek.
Halin December 16, 2018 ang PRO 6 naka-record sang 40 ka firecracker-related injuries: Aklan-1 Capiz-18; Iloilo-9; Iloilo City-3; Bacolod City-7; kag Negros Occidental-2.
Sa 40 ka insidente, isa ang narecord antes ang Paskuwa kag 39 ka kaso ang nalista halin Disyembre 26, 2018 tubtob subong.
Wala sang ginreport nga firecracker-related injuries/ casualties sa Guimaras kag Antique.
Wala man sang nagluntad nga sunog bangud sang firecrackers sa bilog nga rehiyon.
Ang madinalag-un nga security coverage suno sa PRO 6 ang resulta sang implementasyon sang Oplan Ligtas Paskuhan 2018 kag suporta sang mga stakeholders. (JoMaque)