Bangud sa away sa duta, lalaki patay sang gintiro sang iya pakaduha sa Sara

Sara, Iloilo— Patay ang lalaki sang gintiro sang iya pakaduha sa Brgy. Malapaya, Sara kaina sang aga, Enero 3, 2019.

Dead-on-arrival sa Sara District Hospital ang biktima nga si Rocky Nepomuceno bangud sang anum ka pilas sa nagkalain-lain nga parte sang lawas.

Ginatudlo nga nagtiro si Rhake Are nga nag-surrender man sa ila barangay kapitan dala ang 38 caliber revolver nga gingamit niya sa krimen.

Todo naman sa paghinulsol ang suspek sa iya nahimo.

Suno kay Senior Inspector Asencion Ortizo, hepe sang Sara Municipal Police Station, antes ang insidente, nagbaisay ang magpakaduha angut sa duta nga indi man ila kag ginapanag-iyahan sang gobyerno.

Ginpahayag nga gina-claim sang suspect nga iya duta ang gina-ubrahan sang biktima. (AGB)