Mga konsehal nga identified kay Cong. Jerry Treñas, masapol agud planuhan ang tikang sa pag-line item veto ni Mayor Joe Espinosa sang budget ordinance 2019

Iloilo City – Masapol subong nga semana ang mga City Councilors nga identified kay Congressman Jerry Treñas. Ini agud istoryahan kun ano ang ila plano matapos gin-line item veto ni Mayor Joe Espinosa ang budget ordinance para sa 2019.

Suno kay Vice Mayor Jeffrey Ganzon, proteksyunan nila ang kun ano ang makapaayo sa pumuluyo. Ginakahangaw-an sang bise alkalde nga posible matandog ni Espinosa ang pondo kag gamiton sa eleksyon.

Ginpahayag pa niya nga husto ang konseho sa pagpasar sang ordinansa nga nagatunga sang pondo sa duha (Enero tubtob Hunyo, Hulyo tubtob Disyembre).

Gin-aku ni Ganzon nga wala sang supisyente nga numero ang mga konsehal nga identified kay Congressman Treñas para i-override ang line item veto.

Samtang, nagpahayag naman ang pila ka konsehal nga identified kay Mayor Espinosa nga panilagan nila ang tikang sang mga kaupdanan nga konsehal antes ang ila paghulag. (JoMaque)