PCI Reymond Celoso nga ginpahamtang caretaker sa Guimbal MPS, gin-ilisan

IPPO Headquarters, Sta. Barbara – Wala sang malisya ukon isyu ang pag-ilis kay PCINSP Reymond Celoso bilang officer-in-charge sang Guimbal Municipal Police Station.

Suno kay Iloilo Police Provincial Office (IPPO) Director PSSUPT Marlon Tayaba, ginbuslan si Celoso ni PCINSP Remie Alavaren nga halin sa provincial headquarters.

Ginbalik naman si Celoso nga deputy chief sang Provincial Investigation and Detective Management Director.

Si Celoso ang ginpahamtang nga OIC sa Guimbal MPS matapos gin-relieve si PSINSP Antonio Monreal sang Disyembre 26, 2018.

Kasunod ini sang reklamo ni PO3 Federico Macaya Jr nga ginsakit siya ni Congressman Richard Garin sa atubang ni Guimbal Mayor Oscar Garin kag ara man nga nagatan-aw si Monreal nga wala sang nahimo nga aksyon sa natabu. (JoMaque)