13-anyos nga solterito patay matapos ginbuno sang 16-anyos niya nga himata sa Calinog

Calinog, Iloilo-Patay ang 13-anyos nga solterito matapos ginbuno sang 16-anyos niya nga himata pasado alas singko sang hapon, Enero 4, sa Barangay Dalid.

Gindala pa sa West Visayas State University Medical Center si alyas Rex apang wala gid natabangan matapos ginbuno sang kutsilyo sang apat ka beses sa dughan ni alyas Ben.

Sa initial report sang Calinog Police, na-impito ang suspetsado matapos siya gin-bully sang biktima.

Pursigido naman ang pamilya sang biktima nga kasuhan ang suspek nga yara na sa kustodiya sang Calinog Police. (JoMaque)