2 PATAY MATAPOS NAGTINIRUHAY SA MINA

Mina, Iloilo– Duha patay sang nagtiniruhay sa baylehan sa Barangay Capul-an kaina sang kaagahon, Enero 5.

Gindala pa sa ospital si chief tanod Michael Patriarca apang wala gid natabangan bangud sa madamo nga pilas sa lawas.

Napatay man sa ospital si April Ilisan sang Badiangan.

Suno kay Inspector Feliz Dioso sang Mina Police Station, ginbanggaan ni Ilisan si Patriarca samtang nagasakay sa motorsiklo.

Gintiro ni Ilisan si Partriarca sang makapila ka beses pero nakabalos tiro ang chief tanod.

Na-recover sa crime scene ang 13 ka basiyo sang ginapatihan .9mm kag 4 ka basiyo kag isa ka slug sang .45 caliber.

Wala naman na-recover sang pulis ang pusil sang duha nga ginapatihan ginkuha sang kaupod nanday Patriarca kag Ilisan.

Daan nga hiligut-anon ang ginasunod nga anggulo sang Mina Police sa insidente. (JoMaque)