ICPO, ginpahanumdom ang publiko sa ipatuman nga gun ban sa Dinagyang 2019

Iloilo City — Ginpahanumdom ni Iloilo City Police Office (ICPO) Director Senior Supt. Martin Defensor Jr ang publiko sa ipatuman nga gun ban sa Dinagyang Festival 2019.

Gin-athag ni Defensor nga sakop sang election period ang kahiwatan, halin Enero 13 tubtub Hunyo 12, 2019.

Sakup man sang gun ban ang mga police kag uniformed personnel magluwas lang kon makakuha sang exemption sa Commission on Elections (Comelec).

Pero indi tanan nga taga-Intelligence Section ang malakip sa exemption ilabe na kun naka-civilian kag may pusil suno kay Defensor.

Magluwas sa pusil, ginadumilian man ang pagdala sang iban nga deadly weapons sa Dinagyang. (JoMaque)